اخبار جهان

متحده عربي اماراتو د افغان ښځينه فوټبال ملي لوبډلې د سفر ويزې لغوه کړې د افغان لوبغاړو هيلې يو ځل بيا ماتې شوې

اشتراک گذاری:

په يو تازه او له خواشينۍ ډک بدلون کې، متحده عربي اماراتو د تبعید کې د مېشتې افغان ښځينه فوټبال ملي لوبډلې د غړو د سفر ويزې رد کړې دي، چې ټاکل شوې وه دا زړورې نجونې د خپل لومړي نړیوال ټورنمنټ لپاره اماراتو ته ولاړې شي

د دې لوبډلې غړې، چې اوس مهال په استرالیا، برېتانیا، پرتګال او ایټالیا کې اوسیږي، د فېفا په رسمي سپارښتنه هوايي ډګرونو ته رسېدلې وې، خو د پرواز له اجازې بې برخې شوې. د هوايي ډګر چارواکو ورته ویلي چې دوی د الوتکې د سپرېدو حق نه لري، له همدې امله د دوی اوږده او له زحمت ډکه هڅه د مایوسۍ په یوې شېبې بدله شوه

د لوبډلې یوې غړې په احساساتي لهجه ویلي:

موږ نه یوازې د فوټبال لوبغاړې یو، بلکې د هغو مېرمنو استازې یو چې له وطنه د بندیزونو او چوپتیا له کبله بې‌صدا شوې دي. دا پرېکړه زموږ د ارمانونو خنډ نه شي کېدای

د یادونې وړ ده چې د افغان ښځينه فوټبال ملي لوبډله له هغه راوروسته د تبعید ژوند کوي چې په هېواد کې د ښځو د ورزشي فعالیتونو دروازې وتړل شوې. د دغو نجونو زړورتیا، هڅه او نړیوال ملاتړ د افغانستان د ښځو د مقاومت سمبول ګرځېدلې ده

اوس نړیوالې ورزشي ټولنې، بشري حقونو فعالان او د فوټبال مینه‌وال له اماراتو غواړي چې دا پرېکړه له سره وڅېړي، څو د افغان نجونو دا ملي ټیم د خپل نړیوال حضور له حقه بې‌برخې نه شي

دا پېښه یو ځل بیا دا پوښتنه راپورته کوي چې ایا د ښځو د سپورت او ازادۍ دروازې به د افغان مېرمنو پر مخ بېرته پرانېستل شي او که نه؟