اخبار جهان

کورونه مو ویجاړ شوی خو د استملاک پیسی او بدیل ځمکی ندی راکړل شوی

اشتراک گذاری:

زیانمن هیواد وال:

بریانیوز:(شنبه۳ عقرب/لړم) یوشمیرهغه هیواد وال چه د طالبانو د نوی ښاری پلان دنقشی د عملی کیدو په خاطر زیانمن شوی، وایی چه د ماسترپلان مخالف ندی خوچه د استملاک بهیر عالانه، شفاف او دشریعت د اصولو پراساس وی

په کابل او ولايتونو کې د سړکونو پراخوالي او ماسټر پلان عملي کېدو پر مهال زيانمن شوي هېوادوال وايي، دوی د ماسټر پلان د تطبيق مخالف ندي، خو د ويجاړو شويو کورونو، دوکانونو او مارکېټونو بديل ځمکې، پيسې او خساره ورته نده ورکړل شوې او پروسه يې خورا پيچلې او وخت نيوونکې ده.

دغه عکس د کندهار ښار دی او دلته هم د ماسټرپلان د نقشی د عملی کولو لپاره ويجاړول پيل شوي، خو د زيانمنو په وينا، د استملاک پر سندونو له دوی څخه په جبر لاسليکونه اخيستل کېږي، د جايداد بيه په يو طرفه ډول ټاکل کېږي، مالي خساره او بديل ځمکې هم ورته يا روښانه ندي يا هم په ښار کې د ويجاړو شويو مارکېټونو او کورونو په بدل کې ورته په دښتو کې ځايونه په نښه شويدي.

د دوی په وينا، په ځينو سيمو کې نقشې بدلې شوې دي او د زورورو د نفوذ او زور له وجې بشپړې نقشې بدلې شوېدي: «په زړې فرقې کې پخوانۍ نقشه چې د زورواکو په کورونو برابرېده لوری يې بدل شوی دی. د استملاک بهير دې عادلانه، شفاف او د شريعت د اصولو پر اساس وي، ترڅو د ښاري پرمختګ تر څنګ د خلکو حقونه هم خوندي پاتې شي.»