اخبار جهان

په غزه کې بشري بحران؛ یو میلیون فلسطینیان عاجلو مرستو ته اړتیا لري

اشتراک گذاری:

ملګري ملتونه اعلان کړی چې د اسراییل او فلسطین ترمنځ د اوربند سره سره، په غزه کې له یو میلیون څخه زیات خلک عاجلو او اضطراري مرستو ته اړ دي

وروستي راپورونه ښيي چې ډېری کورنۍ چې د جګړې له ویجاړو شویو سیمو خپلو کورونو ته ستنې شوې، د خوراکي موادو، پاکو اوبو او نورو حیاتي توکو سخت کمښت سره مخ دي. د بشري وضعیت نازکوالی د مرستو رسولو هڅې په ډېرو سیمو کې له خنډونو سره مخ کړی دی

د جګړې او اوږدې محاصرې له امله، اوسېدونکي له خوراک، اوبو، درملو او نورو لومړنیو اړتیاوو بې برخې شوي دي. ملګري ملتونه خبرداری ورکوي چې که عاجلې مرستې ور ونه رسیږي، وضعیت به لا پسې خراب شي

نړیوال سازمانونه د نړيوالو ټولنو، بشري موسسو او مرستندویه بنسټونو څخه غوښتنه کوي چې په چټکۍ سره خلکو ته د ژوند اړین توکي ورسوي. د اوربند اعلان یوازې د جګړې د بندېدو نښه ده، خو د خلکو د ژوند عادي وضعیت بیرته راګرځول لا هم له سختو ننګونو ډک کار دی

په غزه کې د بشري بحران دوام د نړیوالې ټولنې لپاره د ژورې اندېښنې وړ دی، او ښيي چې د جګړې پای ته رسېدل یوازې د ډزو د بندېدو معنا لري، نه د خلکو د ژوند د ستونزو له منځه وړل