اخبار فوری
فــــهــــيـــم شـاهـیـن
26 عقرب 1404
229
د عامې روغتیا وزارت خبر ورکوي چې د یاد وزارت د روغتیايي خدمتونو معین په کابل کې د شخصي روغتونونو د اعتبار او درجهبندۍ له سروی کوونکو او ارزونکو ټیمونو سره یوه مهمه او کاری غونډه ترسره کړې ده
په دې ناسته کې د شخصي روغتونونو د خدماتو کیفیت، د طبي معیارونو پلي کېدل، د ناروغانو خوندیتوب او د روغتیايي بنسټونو د مسلکي مدیریت موضوعات په تفصیل سره څېړل شوي. د وزارت د معلوماتو له مخې، دا پروسه د دې لپاره روانه ده چې د شخصي روغتونونو کچه روښانه شي او هغه روغتونونه چې لوړ معیارونه پلي کوي، وپېژندل شي
عامې روغتیا وزارت ټینګار کړی چې د اعتبار ورکولو او درجهبندۍ بهیر د ناروغانو د حقونو، معیاري درملنې، مسؤلانه مدیریت او شفافیت پر بنسټ پر مخ ځي. دوی زیاتوي چې موخه یې د روغتیايي خدماتو د کیفیت لوړوالی او د خلکو لپاره د خوندي، باور وړ او نړیوالو معیارونو مطابق روغتیايي خدمتونو برابرول دي
د غونډې ګډونوالو هم ژمنه کړې چې د ارزونې پروسه به په دقیق، عادلانه او مسلکي توګه ترسره کړي ترڅو د روغتیايي سکټور د لا پرمختګ لپاره روښانه نقشه برابره شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl