اخبار فوری
فــــهــــيـــم شـاهـیـن
22 سرطان 1405
5
کیم جونګ اون: د اټومي وسلو د له منځه وړلو غوښتنه دې له امریکا او متحدینو پیل شي
بریانیوز دوشنبه - ۲۲ سرطان ١٤٠٥
پیونګیانګ – د شمالي کوریا مشر کیم جونګ اون ویلي، که د نړۍ د سولې او ثبات لپاره د اټومي وسلو له منځه وړل یو رښتینی ضرورت وي، نو د دې بهیر پیل باید له امریکا او د هغې له متحدینو څخه وشي
کیم جونګ اون پر ناټو غړو هېوادونو نیوکه کړې او ویلي یې دي چې دغه هېوادونه د خپلو پوځي وړتیاوو د زیاتولو او د وسلو د پراختیا په هڅه کې دي، خو له شمالي کوریا څخه بیا د وسلو د پرېښودلو غوښتنه کوي
د شمالي کوریا مشر ادعا کړې چې د اټومي وسلو د کمولو په اړه نړیوال دریځ باید یو شان وي او د نړۍ ټول ځواکمن هېوادونه باید د سولې او امنیت لپاره عملي ګامونه پورته کړي
دا څرګندونې په داسې حال کې کېږي چې د شمالي کوریا اټومي پروګرام د نړیوالې ټولنې د اندېښنو له مهمو موضوعاتو څخه دی. امریکا او د هغې متحدین له پیونګیانګ غواړي چې د اټومي وسلو پراختیا ودروي، خو شمالي کوریا وایي چې دغه وسلې د خپل امنیت د ساتنې لپاره اړینې دي
د نړیوالو چارو شنونکي باور لري چې د اټومي وسلو موضوع د نړۍ د سترو قدرتونو ترمنځ د اختلاف یوه مهمه مسئله پاتې شوې او د دې ستونزې حل پراخو نړیوالو خبرو اترو ته اړتیا لري
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl