سلامت و غذا

خوړو او کرنې سازمان : د نړۍ د خوراکي توکو بیې د ۲۰۲۲ کال له وروستیو راهیسې تر ټولو لوړې کچې ته رسېدلې

اشتراک گذاری:

بریانیوز شنبه ( ۱۴/ سنبله /۱۴۰۵هـ.ش)

روم — د ملګرو ملتونو د خوړو او کرنې سازمان وايي، د نړۍ د خوراکي توکو بیې د ۲۰۲۶ کال په اګست کې د ۲۰۲۲ کال له نومبر وروسته تر ټولو لوړې کچې ته رسېدلې دي. د هوا خراب وضعیت، وچکالۍ او د بېلابېلو جګړو له امله د خوراکي توکو د رسولو په اړه اندېښنې د بیو د لوړوالي له مهمو لاملونو بلل شوي دي

د دغه سازمان د خوړو د بیو شاخص په اګست کې ۱۳۳،۳ ټکو ته رسېدلی چې د جولای په پرتله ۱،۹ سلنه زیاتوالی ښيي. دغه کچه د تېر کال د اګست په پرتله هم ۲،۵ سلنه لوړه ده، خو لا هم د ۲۰۲۲ کال د مارچ له بې‌ساري لوړې کچې څخه ۱۶،۸ سلنه ټیټه ده

د راپور له مخې، د نړۍ په مهمو کرنیزو سیمو کې سختې ګرمۍ او وچکالۍ د غلو دانو او نورو کرنیزو محصولاتو د تولید په اړه اندېښنې زیاتې کړې دي د احتمالي پیاوړتیا اټکلونه هم د پام وړ دي، ځکه دغه اقلیمي پدیده د نړۍ په ځینو برخو کې د کرنیزو محصولاتو پر تولید اغېز کولی ش

په همدې موده کې د غلو دانو بیې ۲،۲ سلنه لوړې شوې او د ۲۰۲۴ کال له مې وروسته یې تر ټولو لوړه کچه ثبت کړې ده. د نباتي غوړو بیې هم لوړې شوې او د ۲۰۲۲ کال له جون وروسته یې تر ټولو لوړه کچه تجربه کړې ده

د بورې په بیه کې تر ټولو لوی زیاتوالی لیدل شوی؛ د اګست په میاشت کې د بورې بیه ۱۱،۹ سلنه لوړه شوې ده. د برازیل په مهمو تولیدي سیمو کې د تولید د کمېدو اندېښنې، په اروپا او اسیا کې خراب هوايي شرایط او د ال نینو احتمالي اغېزې د دې زیاتوالي له مهمو عواملو څخه ګڼل شوي دي

د خوړو او کرنې سازمان وايي، د تور سمندرګي په سیمه کې د جګړې له امله د غلو دانو د صادراتو ګډوډي هم د نړیوالو بازارونو د عرضې په اړه اندېښنې زیاتوي. په ورته وخت کې، د منځني ختیځ کړکېچونو د سرې او نورو کرنیزو توکو د لېږد پر بهیر هم فشار راوستی دی

د لوی اقتصادپوه مکسیمو توریرو ویلي، د اقلیم بدلون، جیوپولیټیک کړکېچونه او د سوداګرۍ د لارو ګډوډي په ګډه د نړۍ د خوراکي توکو د عرضې تمې محدودوي

همداراز د ۲۰۲۶ کال لپاره د نړۍ د غلو دانو د تولید اټکل ۲،۹۸۰ میلیارد ټنو ته راکم کړی چې د تېر کال په پرتله شاوخوا دوه سلنه کموالی ښيي. سره له دې، اټکل کېږي چې د سږ کال نړیوال تولید به بیا هم د ثبت شویو لوړو کچو له ډلې و