اقتصاد

واشنګټن : په امریکا کې د ډیزلو بیه بې‌ ساري کچې ته لوړه شوې

اشتراک گذاری:

بریانیوز شنبه ( ۱۴/ سنبله /۱۴۰۵هـ.ش)

د امریکا د موټرو ټولنې ویلي، په دغه هېواد کې د یوه ګیلن ډیزلو منځنۍ بیه ۵.۸۵ ډالرو ته رسېدلې، چې د یادې ادارې په وینا بې‌ ساری ریکارډ دی

د معلوماتو له مخې، د ډیزلو بیه یو کال وړاندې په منځنۍ توګه ۳.۷۱ ډالره وه؛ خو په وروستیو میاشتو کې د نړیوالو شخړو او د سون‌توکو د عرضې د ستونزو له امله په پام وړ ډول لوړه شوې ده

راپورونه وايي، د امریکا او ایران ترمنځ د تاوتریخوالي بیا زیاتېدو او د اوکراین له لوري د روسیې پر تېلو تصفیه‌خونو د بریدونو له امله د نړیوالې انرژۍ پر بازار فشار زیات شوی دی

د سون‌توکو د بیو لوړېدل یوازې د موټرو چلوونکو لپاره ستونزه نه ده، بلکې د لېږد، خوراکي توکو او نورو توکو پر بیو هم اغېز کولی شي

اقتصادي شنونکي اندېښنه لري چې د تېلو او سون‌توکو د بیو دوامدار لوړوالی ښايي نړیوال انفلاسیون نور هم زیات کړي، د پور اخیستلو لګښتونه لوړ کړي او د نړیوال اقتصاد د سخت رکود خطر پیاوړی کړي