اخبار فوری
فــــهــــيـــم شـاهـیـن
23 میزان 1405
34
اسلام آباد: د پاکستان حکومت او تحریک انصاف د مراد سعید پر سر یو بل تورنوي
(بریانیو پنجشنبه (۲۳/ میزان /۱۴۰۵هـ.ش
د پاکستان د لومړي وزیر سلاکار رانا ثناءالله ادعا کړې چې د تحریک انصاف مخکښ مشر مراد سعید په افغانستان کې دی او له هغه ځایه د خیبر پښتونخوا چارې اداره کوي. نوموړي د فدرالي حکومت او تحریک انصاف ترمنځ د خبرو اترو د ناکامۍ پړه هم پر مراد سعید او سهیل اپریدي اچولې ده
رانا ثناءالله ویلي، د دواړو لورو ترمنځ د سیاسي خبرو اترو د ناکامۍ په رامنځته کېدو کې د یادو کسانو رول مهم دی. خو نوموړي د خپلې ادعا د ملاتړ لپاره په ورکړل شویو څرګندونو کې نور جزئیات نه دي وړاندې کړي.
بل لور ته، د تحریک انصاف مشر ګوهر خان د حکومت دغه تورونه بېاساسه بللي او ویلي یې دي چې د خبرو اترو د ناکامۍ مسوولیت د حکومت پر غاړه دی، ځکه د ده په وینا، حکومت پخپله د خبرو له مېزه وتلی دی.
په ورته وخت کې، د پاکستان د کورنیو چارو وزیر محسن نقوي خبرداری ورکړی چې د مراد سعید په اړه به پټ اسناد او معلومات افشا کړي. د نوموړي دا څرګندونې په داسې حال کې کېږي چې د حکومت او تحریک انصاف ترمنځ سیاسي اختلافونه دوام لري او دواړه لوري د خبرو اترو د ناکامۍ پړه پر یو بل اچوي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl