اخبار جهان

قطر: په افغانستان او نورو کړکېچ ځپلو هېوادونو کې بشري مرستې کوو

اشتراک گذاری:

(بریانیو سه شنبه (۲۷/ میزان /۱۴۰۵هـ.ش

د قطر د نړیوالو همکاریو په چارو کې د دولت وزیرې مریم بنت علي بن ناصر المسند ویلي، هېواد یې د بشري مرستو، ډیپلوماسۍ، منځګړیتوب او بیارغونې د مالي ملاتړ له لارې په افغانستان او یو شمېر نورو کړکېچ ځپلو هېوادونو کې فعالیتونه ترسره کړي دي

نوموړې په دوحه کې د بشري ډیپلوماسۍ او اوبو د امنیت په اړه یوې غونډې ته ویلي، قطر د افغانستان ترڅنګ په غزه، سوډان، لبنان، سومالیا او سوریه کې د بشري مرستو رسولو، د بې‌ځایه شویو ملکي وګړو د ملاتړ او د بیارغونې د بهیر د تمویل په برخو کې ونډه اخیستې ده.

د قطر دې چارواکې د جګړو پر مهال د اوبو د سرچینو او حیاتي بنسټونو د ساتنې پر اهمیت هم ټینګار کړی او ویلي یې دي چې د جګړو له امله زیانمنو شویو خلکو ته د مرستو رسولو لپاره د نړیوالې همکارۍ پیاوړتیا اړینه ده

هغې د اوبو د سرچینو ساتنه د بشري خوندیتوب یوه مهمه برخه بللې او د جګړو پر مهال یې د حیاتي بنسټونو د خوندي ساتلو پر اړتیا ټینګار کړی دی