اخبار فوری
فــــهــــيـــم شـاهـیـن
04 عقرب 1405
31
مشاهد حسین: چین دې د افغانستان او پاکستان ترمنځ د سولې په ټینګښت کې فعاله ونډه واخلي
(بریانیوز دو شنبه (۴/ عـقـرب/۱۴۰۵هـ.ش
د پاکستان پخواني سناتور مشاهد حسین له چین غوښتي چې د افغانستان او پاکستان ترمنځ د سولې او ثبات په ټینګښت کې فعاله ونډه واخلي او د دواړو هېوادونو ترمنځ د خبرو اترو او همکارۍ لپاره هڅې زیاتې کړي
نوموړي د تورخم په ګډون د افغانستان او پاکستان ترمنځ د ټولو سرحدي لارو د بېرته پرانیستلو غوښتنه هم کړې ده، څو د خلکو تګ راتګ او سوداګریز فعالیتونه بېرته عادي حالت ته راوګرځي
مشاهد حسین د پاکستان پر پوځي سیاستونو نیوکه کړې او ویلي یې دي چې پوځي جنرالانو د امریکا د لارښوونو له مخې د پاکستان ګاونډي هېوادونه پر دښمنانو بدل کړي دي. د هغه په وینا، کله هند، کله افغانستان او کله هم ایران د پاکستان دښمن ګڼل شوي دي.
نوموړي څرګنده کړې چې د دغو سیاستونو پایلې تر ډېره د پاکستان عادي وګړي زغمي، خو پوځي جنرالان له تقاعد وروسته له ځانګړو امتیازونو برخمن کېږي او خپلو خوښو هېوادونو ته ځي
مشاهد حسین ټینګار کړی چې د سیمې د ستونزو د حل لپاره باید د تقابل پر ځای ډیپلوماسۍ او سیمهییزې همکارۍ ته لومړیتوب ورکړل شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl