اخبار جهان

سعودي عرب د افغانستان او پاکستان ترمنځ د اوربند هرکلی وکړ؛ د سولې د دوام غوښتنه یې وکړه

اشتراک گذاری:

سعودي عرب د افغانستان د اسلامي امارت او د پاکستان ترمنځ د لنډمهالي اوربند له اعلان وروسته، د دواړو هېوادونو د سولې هڅې ستایلې او د دوامدار ثبات ملاتړ یې څرګند کړی دی

د سعودي د بهرنیو چارو وزارت په یوه اعلامیه کې ویلي، چې ریاض د هرې هغه هڅې ملاتړ کوي چې د سیمې امنیت، ثبات او د خلکو ارام ژوند ته لاره هواروي.

د اعلامیې له مخې، سعودي مشران باور لري چې د شخړو د پای ته رسېدو یوازینی حل د خبرو، متقابل درناوي او د ګاونډیتوب د اصولو په بنسټ دی

د یاد وزارت په وینا، د افغانانو او پاکستاني ولسونو ترمنځ تاریخي او مذهبي اړیکې باید د سیاسي شخړو قرباني نه شي، بلکې د سولې، پرمختګ او همکارۍ لامل وګرځي

شنونکي وایي، د سعودي دا دریځ کولای شي د سیمې د نورو اسلامي هېوادونو لپاره یو مهم پیغام ولري، چې د تاوتریخوالي پر ځای د تفاهم او همغږۍ لاره غوره کړي

د ریاض له لوري دا څرګندونې داسې مهال کېږي چې په وروستیو ورځو کې د دواړو ګاونډیو هېوادونو ترمنځ اړیکې ترینګلې شوې وې، خو د لنډمهالي اوربند اعلان د سولې لپاره یو نوی امید رامنځته کړی دی