وزیر اعلی سهیل آفریدی: د قبایلي سیمو د نوي دور پیل – تعلیمي، پرمختیايي او اصلاحاتي انقلاب اعلان شو

د خیبر پښتونخوا نوی او زړور وزیر اعلی سهیل آفریدی د خپل لومړي رسمي غونډې په ترڅ کې د صوبې د پرمختګ، شفاف حکومتدارۍ او د ضم شويو قبایلي سیمو د هوساینې لپاره تاریخي اعلانونه وکړل

سهیل آفریدی وویل چې د قبایلي ولس د روښانه راتلونکې لپاره به د "ټرایبل میډیکل کالج" او "ټرایبل یونیورسټي آف ماډرن ساینسز" بنسټ کېښودل شي، چې څانګې به یې په ټولو ضم شويو ضلعو کې جوړېږي. ده دا هم زیاته کړه چې د ازاد ژورنالیزم د ودې لپاره به د شهید ارشد شریف په نوم ځانګړې یونیورسټي آف انوسټېګېټیو او ماډرن جرنلزم جوړه شي، څو د رښتینې او باجرأته مطبوعاتو لپاره نوې لار پرانستل شي

وزیر اعلی د پېښور د بیا رغونې او ښاري پرمختګ پلان، د سیف سټي پروژې، او د ضم شويو ضلعو په هر تحصیل کې د سپورټس ګراونډونو د جوړېدو اعلان هم وکړ، ویې ویل: "موږ داسې خیبر پښتونخوا غواړو چې هر ځوان ته د تعلیم، روزګار او امن فرصتونه برابر وي

سهیل آفریدی په غونډه کې د کرپشن پر ضد د صفر زغم پالیسي اعلان وکړ او په ټینګو ټکو یې وویل چې "هیڅ څوک به له قانون پورته نه وي، او نه به د سفارش یا تعلقاتو پر بنسټ څوک ګمارل کېږي." ده زیاته کړه چې د ټولو پوسټونو، تبادلو او حکومتي چارو بنسټ به یوازې میرټ او شفافیت وي

وزیر اعلی وویل چې د امن او امان ټینګښت د حکومت لومړیتوب دی، پولیسو ته به عصري وسایل، اسلحې او بشپړ مالي ملاتړ ورکول کېږي، او د شهیدو پولیسو قربانۍ به هېڅکله نه هېرېږي

ده د وفاقي حکومت څخه هم غوښتنه وکړه چې د خیبر پښتونخوا حقه فنډونه او د وار آن ټیرر بجټ بې له ځنډه ورکړي، ځکه چې د ترهګرۍ پر وړاندې د قربانیو تر شا د دې خاورې د زامنو وینه توی شوې ده.

وزیر اعلی په احساساتي انداز وویل:

"موږ د روایتي سیاست لپاره نه یو راغلي؛ موږ د بدلون، خدمت او انصاف استازي یو. ولس به ډېر ژر محسوس کړي چې رښتینی بدلون رارسېدلی دی