اخبار فوری
فــــهــــيـــم شـاهـیـن
28 میزان 1404
157
د امریکا پخواني ولسمشر ډونالډ ټرمپ ویلي، واشنګټن به د هندي توکو پر وړاندې د درنو تعرفو پالیسي وساتي، که چېرې هند د روسیې له تیلو د وارداتو لړۍ بنده نه کړي
واشنګټن – د نړیوالو رسنیو د راپورونو له مخې، ډونالډ ټرمپ په تازه څرګندونو کې ویلي چې ده له نرېندرا مودي، د هند له لومړي وزیر سره خبرې کړې او هغه ته یې خبرداری ورکړی، که هند د روسي نفتو پېرل ونه دروي، نو د امریکا له لوري لګول شوې تعرفې به دوام ومومي.
د ټرمپ په وینا، د هند له لوري د روسیې د تیلو دوامداره پېرل د دواړو هېوادونو ترمنځ د سوداګریزې شخړې یو اصلي لامل دی، او امریکا اړ شوې چې د ځینو هندي توکو پر وړاندې تر ۵۰ سلنه پورې تعرفې ولګوي
راپورونه وایي، له هغه مهاله چې لوېدیځو هېوادونو پر مسکو سخت بندیزونه ولګول، هند د روسي تیلو تر ټولو ستر خریدار ګرځېدلی دی. دغه تېل هند ته د تخفیف په بیه رسېږي، خو دا اړیکه اوس د امریکا د اندېښنې سبب شوې ده
د سپینې ماڼۍ یو چارواکي ویلي، هند د روسیې د تیلو پېرل شاوخوا نیمایي ته راکم کړي، خو د هندي چارواکو په وینا، د نومبر او دسمبر لپاره د تیلو پخواني قراردادونه لا هم پر خپل ځای دي او د کمښت څرګند نښې نه لیدل کېږي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF