اخبار جهان

– د روسیې د ځواک د نوي دور نښې

اشتراک گذاری:

د روسیې ولسمشر ولادیمیر پوتین په مسکو کې د وسلو د طراحانو یوې سترې غونډې ته په وینا کې، د خپل هېواد تازه جوړو شوو وسلو ته «تاریخي او ستراتیژیک اهمیت» ورکړی او ویلي یې دي چې دا وسلې به د روسیې امنیت د ۲۱مې پېړۍ لپاره تضمین کړي

پوتین د سه‌شنبې په ماښام د خبرو پر مهال د «بوروستنیک» کروز توغندي او «پوسایدون» هستوي اوبتل یادونه وکړه او دا یې د روسیې د پوځ د نوښت او پرمختګ تر ټولو مهم سمبولونه وبلل

هغه زیاته کړه:

> «دا وسلې د روسیې د علم، تخنیک او زړورتیا بې ساری ثبوت دي. موږ نن هغه ځواک لرو چې د نړۍ هېڅ دفاعي سیستم یې مهارولای نه شي

پوتین څرګنده کړه چې د «بوروستنیک» توغندی د کوچني هستوي راکتور په مټ کار کوي، له غږ درې برابره تېز الوت کوي، او د هر ډول دفاعي سیستمونو له منځه د تېرېدو وړتیا لري

بل‌خوا، د «پوسایدون» هستوي اوبتل چې د سمندر له ژورو د هر هدف د له‌منځه وړلو توان لري، د روسیې د سمندري ځواک د نوې زمانې نښه بلل شوې ده

شنونکي وایي، د پوتین دا څرګندونې په داسې وخت کې راځي چې نړۍ یو ځل بیا د وسلو د سیالۍ نوې څپه تجربه کوي، او روسیه هڅه کوي د نړیوالو ځواکمنو هېوادونو په سر کې خپل ځای وساتي

د مسکو دا څرګندونې، د نړیوال امنیت د اندېښنو تر سیوري لاندې، د روسیې د هغه پیغام غوندې ښکاري چې غواړي نړۍ ته وښيي: "روســیه لا هم د نړیوال ځواک د توازن اصلي لوبغاړی دی