اخبار جهان

د ملګرو ملتونو سرمنشي: هېڅ ځواک د ملګرو ملتونو له اجازې پرته د غزې په سیمه کې د شتون حق نه لري

اشتراک گذاری:

د ملګرو ملتونو سرمنشي انتونیو ګوترش په خپلو تازه څرګندونو کې ویلي، هېڅ هېواد یا ځواک حق نه لري چې د ملګرو ملتونو له رسمي اجازې پرته په غزه کې حضور ومومي یا نظامي ځواک ځای پر ځای کړي

ښاغلي ګوترش د سه‌شنبې په ورځ (۱۳ عقرب) په یوه وینا کې وویل، ملګري ملتونه په فعاله توګه د بشردوستانه مرستو د زیاتولو، د اوربند د ټینګښت او د غزې او لوېدیځې غاړې تر منځ د اړیکو د بیا رغونې په بهیر کې برخه لري

هغه زیاته کړه چې د ملګرو ملتونو امنیت شورا دا مهال د یوې نوې مسودې ارزونه کوي، چې د امریکا متحدو ایالتونو له‌خوا وړاندې شوې، او هدف یې د غزې په سیمه کې د احتمالي ځواکونو د استقرار څرنګوالی دی

سرمنشي ګوترش په جدي لهجه ټینګار وکړ

هر هغه ځواک چې غواړي په غزه کې ځای پر ځای شي، باید د ملګرو ملتونو له اجازې کار واخلي. همدارنګه، هر سیاسي یا اداري جوړښت چې په دې سیمه کې رامنځته کېږي، باید خپله مشروعیت له ملګرو ملتونو واخلي

د ده په وینا، د ملګرو ملتونو موخه دا ده چې د غزې خلک له جګړې، بې‌وزلۍ او بې‌کورۍ څخه وژغوري، او د یوې دوامدارې سولې لپاره نړیوالې همغږي رامنځته شي

شنونکي وايي، د ګوترش دا څرګندونې په داسې مهال کېږي چې د غزې راتلونکی د نړیوالو سیاسي خبرو یوه حساسې موضوع ګرځېدلې، او ګڼ هېوادونه د جګړې وروسته د دې سیمې د مدیریت پر سر نظرونه لري