اخبار فوری
فــــهــــيـــم شـاهـیـن
05 قوس 1404
159
اسراییلي پوځ د لوېدیځې غاړې په شمال کې تازه عملیات پیل کړي او دا یې «د ترهګرۍ ضد پوځي اقدام» بللی دی؛ عملیات چې د سیمې اوسېدونکي یې د سخت تاوتریخوالي او پراخې محاصرې په توګه یادوي
د رویترز د چهارشنبې، د نوامبر ۲۶مې، راپور له مخې، فلسطیني وګړي وايي چې اسراییلي ځواکونو د طباس ښار په نښه کړی او د ورنېوتنې لارې یې تړلې دي. د طباس والي احمد الاسعد ویلي چې اسراییلي ځواکونه د یوې چورلکې په ملاتړ ښار کلابند کړی او د کور په کور لټون عملیات روان دي
اوسېدونکي ادعا کوي چې د عملیاتو پر مهال د فایر غږونه، چاودنې او د درنو وسایطو حرکت په ښار کې اورېدل کېږي. فلسطیني سرچینې وايي چې دا عملیات د تېرو اوونیو د تاوتریخوالي دوام دی، هغه تاوتریخوالی چې په لوېدیځه غاړه کې د وضعیت ناارامي لا زیاته کړې ده
اسراییلي لوری بیا ټینګار کوي چې دا عملیات د هغو وسلهوالو ډلو د ځپلو لپاره ترسره کېږي چې د دوی په وینا، د اسراییلي سرتېرو او ښارونو د هدف ګرځولو پلانونه لري
په سیمه کې د شخړې د لا پراخېدو وېره ورځ تر بلې زیاتیږي، او د طباس اوسېدونکي وايي چې د محاصرې دوام د ښار عادي ژوند فلج کړی او د ملکي خلکو امنیت یې له جدي ګواښ سره مخ کړی دی
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF