اخبار فوری
فــــهــــيـــم شـاهـیـن
06 قوس 1404
75
د بلخ ولایت نهر شاهي ولسوالۍ کې د هاوان یوې پاتې شوې مرمۍ د ماشومانو پر ژوند خونړی سیوری وغورځاوه. ځایي طالبان چارواکي وایي چې په دې چاودنه کې درې ماشومان وژل شوي او دوه نور یې په سخته توګه ټپیان شوي دي
د طالبانو د امنیې قومانداني د لیندۍ په ۵مه د یوې خپرې شوې خبرپاڼې له لارې ویلي چې دا پېښه هغه مهال رامنځته شوه کله چې ماشومانو د جګړې له پاتو پاتې موادو سره ناڅاپه مخامخ شول. د ټپیانو روغتیايي حالت نازک بلل شوی او درملنه یې روانه ده
سیمهیزو سرچینو وایي چې د نهر شاهي خلک له اوږدې مودې راهیسې د جګړو د پاتې موادو له خطر سره مخ دي او هر کال په ورته پېښو کې بېګناه ماشومان خپل ژوند له لاسه ورکوي
د پېښې له کبله د سیمې اوسېدونکي سخت خواشیني دي او پر اړوندو بنسټونو غږ کوي چې د جګړې پاتې ماینونه او نهچاودېدلي توکي ژر تر ژره پاک کړي، څو نورې کورنۍ د داسې دردناکو غمونو شاهدې نه شي
دا پېښه یو ځل بیا د دې حقیقت یادونه کوي چې جګړه که پای هم ومومي، خو یې اغېزونه لا هم د پلرونو او میندو له سترګو اوښکې تویوي، او بېدفاع ماشومان تر ټولو ډېر قربانیان جوړوي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF