اخبار فوری
فــــهــــيـــم شـاهـیـن
22 قوس 1404
12
په یوه مهمه دیپلوماتیکه ناسته کې د پاکستان لومړي وزیر شهباز شریف د ترکیې له ولسمشر رجب طیب اردوغان سره د افغانستان د وضعیت، سیمه ییز امنیت او د سولې پر راتلونکي خبرې وکړې او په څرګندو ټکو یې وویل چې اسلاماباد به یوازې هغه وخت په افغانستان کې د طالبانو سره د سولې له بهیر څخه ملاتړ وکړي، چې د پاکستان پر وړاندې موجود امنیتي ګواښونه په بشپړه توګه له منځه ولاړ شي
د پاکستان د لومړي وزیر د دفتر له لوري په خپره شوې خبرپاڼه کې راغلي، دا لیدنه د جمعې په ورځ د لېندۍ (قوس) میاشتې په ۲۱مه، د ترکمنستان په پلازمېنه عشقآباد کې د «سولې او باور» نړیوال کنفرانس په څنډه کې ترسره شوې ده. د دواړو لورو د خبرو اساسي تمرکز د سیمې امنیتي بدلونونه، د افغانستان روان وضعیت او پر پاکستان یې اغېزې وې
شهباز شریف په دې ناسته کې ټینګار وکړ چې پاکستان د سولې، ثبات او سیمهییز اتصال پیاوړتیا ته ژمن دی، خو دا ژمنتیا هغه مهال عملي کېدای شي چې د افغانستان له خاورې د پاکستان پر وړاندې هر ډول امنیتي ګواښونه، په ځانګړي ډول د وسلهوالو ډلو فعالیتونه، په جدي او دایمي توګه ودرول شي. نوموړي زیاته کړه چې د سولې هر بهیر باید د سیمې د ټولو هېوادونو مشروع امنیتي اندېښنو ته درناوی ولري
د پاکستان لومړي وزیر همداراز وویل چې د افغانستان بېثباتي نه یوازې پر پاکستان، بلکې پر ټوله سیمه ناوړه اغېزې لري او اړتیا ده چې نړیواله ټولنه او د سیمې اغېزمن هېوادونه په ګډه د دوامدارې سولې لپاره عملي ګامونه واخلي
له بلې خوا، د ترکیې ولسمشر رجب طیب اردوغان د سیمې د سولې او ثبات په برخه کې د پاکستان رول مهم وباله او د افغانستان د وضعیت د ښه کېدو لپاره یې د سیاسي تفاهم، اقتصادي همکاریو او ډیپلوماټیکو هڅو پر اړتیا ټینګار وکړ. هغه وویل چې انقره چمتو ده د سولې د هڅو ملاتړ وکړي او د سیمې د هېوادونو ترمنځ د باور جوړونې لپاره همکاري پراخه کړي
دا لیدنه په داسې حال کې ترسره کېږي چې په دې وروستیو کې د افغانستان وضعیت، د سرحدي امنیت مسایل او د وسلهوالو ډلو فعالیتونه د پاکستان لپاره جدي اندېښنې راولاړې کړې دي. د اسلاماباد تازه دریځ ښيي چې پاکستان غواړي د سولې ملاتړ له روښانو شرطونو سره وتړي او د امنیت له ټینګښت پرته هر ډول سیاسي جوړجاړی ناکافي بولي
شنونکي باور لري چې د پاکستان دا څرګندونې به د افغانستان په اړه د سیمهییزو بحثونو پر بهیر اغېز ولري او ښايي د سولې د راتلونکو هڅو بڼه بدله کړي، ځکه امنیتي تضمینونه اوس د اسلاماباد لپاره تر هر څه لومړیتوب ګرځېدلي دي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي