اخبار فوری
په غزه کې د اوربند تر اعلان وروسته هم مرګژوبله دوام لري؛ شاوخوا ۱۵۰۰ کسانو ته زيان اوښتی
فــــهــــيـــم شـاهـیـن
27 قوس 1404
14
غزه – د غزې د عامې روغتيا وزارت په تازه خپره شوې اعلاميه کې ويلي، چې د اوربند د پلي کېدو له پيل څخه تر اوسه، چې نږدې دوه مياشتې پرې تېرې شوې دي، په غزه کې لا هم خونړۍ پېښې دوام لري او له امله يې ۳۹۵ فلسطينيان شهيدان شوي او له ۱۰۸۸ زيات نور ټپيان شوي دي
د ياد وزارت په وينا، سره له دې چې د جګړې د درولو هوکړه اعلان شوې وه، خو په بېلابېلو سيمو کې بريدونه، چاودنې او پر ملکي وګړو فشارونه دوام لري، چې زياتره قربانيان يې ښځې، ماشومان او سپينږيري دي. دغه وضعيت د غزې د کړکېچن بشري حالت لا پسې خراب کړی دی
روغتيايي چارواکي وايي، چې د غزې روغتونونه د درملو، طبي تجهيزاتو، برېښنا او سونتوکو له جدي کمښت سره مخ دي او د ټپيانو د زيات شمېر له امله د درملنې چارې له ستونزو سره مخ شوې دي. د دوی په خبره، که نړيواله ټولنه بېړنی اقدام ونه کړي، د مرګژوبلې کچه به لا زياته شي
له بلې خوا، د بشري حقونو نړيوالو بنسټونو د غزې روان حالت د اندېښنې وړ بللی او پر ښکېلو لورو يې غږ کړی، چې اوربند ته بشپړ درناوی وکړي، د ملکي وګړو ژوند خوندي کړي او د بشري مرستو د خوندي رسولو لپاره لار هواره کړي
غزه، چې له کلونو راهيسې د جګړې، محاصرې او اقتصادي فشارونو تر سيوري لاندې ده، دا مهال د يو ستر بشري ناورين له ګواښ سره مخ ده؛ داسې ناورين چې د زرګونو بېګناه انسانانو ژوند يې له جدي خطر سره مخ کړی دی
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي