مقاله

ایران د عراق په شمال کې پر ایراني کردانو بریدونه پراخ کړي

اشتراک گذاری:

بریانیوز:(سه شنبه،۱۹حوت۱۴۰۴)

ایران د عراق په شمال کې پر ایراني کردانو خپل بریدونه پراخ کړي دي. د راپورونو له مخې، د ایران ځواکونه د عراق په کرد مېشتو سیمو کې د وسلوالو ډلو پر پټنځایونو بریدونه کوي

ویل کېږي چې دغه بریدونه په هغو سیمو کې ترسره شوي چېرې چې ایراني کرد وسلوال مېشت دي. ایران ادعا کوي چې دا ډلې د ایران پر ضد فعالیتونه کوي او د هېواد امنیت ته ګواښ پېښوي

د سیمې ځايي سرچینې وايي چې د بریدونو له امله په ځینو سیمو کې اندېښنه زیاته شوې او خلک د جګړې د پراخېدو له وېرې سره مخ دي

د عراق د شمال چارواکو تر اوسه د دغو بریدونو په اړه بشپړ جزیات نه دي خپاره کړي، خو ځینو سیاسي څېړونکو ویلي چې دا ډول پوځي کړنې ښايي د سیمې امنیتي حالت لا پېچلی کړي