مقاله

ټرمپ: له ایران سره د احتمالي هوکړې په متن کې د اټومي پروګرام په اړه روښانه شرطونه شته

اشتراک گذاری:

بریانیوز( دوشنبه، ۱۱ جوزا ١٤٠٥)

د امریکا ولسمشر ډونالډ ټرمپ وایي، له ایران سره د احتمالي هوکړې په متن کې د دغه هېواد د اټومي پروګرام د درولو او محدودولو په اړه تفصیلي او دقیق موارد شامل شوي دي

ټرمپ د رسنیو هغو راپورونو ته په اشارې ویلي چې ګواکې په دې هوکړه کې د ایران د اټومي فعالیتونو یادونه نه ده شوې، خو د هغه په وینا دا ادعاوې له حقیقت څخه لرې دي

نوموړي په ځانګړې توګه د سي اېن اېن راپورونه ناسم بللي او ټینګار یې کړی چې د هوکړې په متن کې د ایران د اټومي پروګرام اړوند څرګند او روښانه شرطونه ځای پر ځای شوي دي

ټرمپ زیاته کړې چې هره احتمالي هوکړه باید د سیمې او نړۍ د امنیت غوښتنې په پام کې ونیسي او د ایران اټومي فعالیتونه په بشپړه توګه تر څار او محدودیت لاندې راولي

د هغه څرګندونې په داسې مهال مطرح کېږي چې د ایران او امریکا ترمنځ د احتمالي هوکړې په اړه سیاسي او رسنیز بحثونه لا هم روان دي او د دواړو لورو د دریځونو په اړه بېلابېل راپورونه خپرېږي