اخبار فوری
فــــهــــيـــم شـاهـیـن
23 سرطان 1405
6
اسلاماباد: اڅکزي د افغانستان او پاکستان د کړکېچ د حل لپاره د سیمهییزې غونډې غوښتنه وکړه
بریانیوزسه شنبه - ۲۳ سرطان ١٤٠٥
اسلاماباد: د پاکستان د اپوزیسیون مشر محمودخان اڅکزي د افغانستان او پاکستان ترمنځ د روانو اختلافونو د حل لپاره د سیمهییزې غونډې د جوړېدو غوښتنه کړې او ویلي یې دي چې د دواړو هېوادونو ترمنځ ستونزې باید د خبرو اترو او ډیپلوماسۍ له لارې حل شي
اڅکزي ویلي، په داسې حال کې چې د کابل او اسلاماباد اړیکې لا هم د امنیتي تورونو، سرحدي ستونزو او سیاسي ترینګلتیاوو تر اغېز لاندې دي، د فشار او تقابل تګلاره د ستونزو د هواري پر ځای وضعیت نور هم پېچلی کوي
د نوموړي په وینا، د سیمې هېوادونه باید د ګډې ناستې له لارې د باور فضا رامنځته کړي او د امنیت، سوداګرۍ، کډوالو او دوه اړخیزو اړیکو په اړه ګډ تفاهم ته ورسېږي. هغه ټینګار وکړ چې د افغانستان او پاکستان ترمنځ د ښو اړیکو ټینګېدل د ټولې سیمې د سولې او ثبات لپاره مهم دي
د افغانستان او پاکستان ترمنځ په وروستیو میاشتو کې اړیکې د امنیتي اندېښنو او متقابلو تورونو له امله ترینګلې شوې دي. دواړو هېوادونو تر اوسه د اڅکزي د دې وړاندیز په اړه رسمي دریځ نه دی څرګند کړی
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl