اخبار فوری
فــــهــــيـــم شـاهـیـن
23 سرطان 1405
6
ټرمپ: امریکا به د ایران د پیکاکس غر په نښه کړي؛ د سیمې د کړکېچ د زیاتېدو اندېښنې
بریانیوزسه شنبه - ۲۳ سرطان ١٤٠٥
واشنګټن: د امریکا ولسمشر ډونلډ ټرمپ ویلي، د امریکا په ځايي وخت به د دوشنبې او سېشنبې په ورځو کې پر ایران سخت بریدونه ترسره شي او دا ځل به د پیکاکس غر په نښه کړي
ټرمپ ویلي، پیکاکس غر د ایران د نطنز د یورانیمو د غني کولو تاسیساتو ته نږدې موقعیت لري او امریکا یې فعالیتونه له نږدې څاري. نوموړي ادعا کړې چې د ایران اټومي پروګرام له ستونزو سره مخ دی او ویلي یې دي چې په یادې سیمې کې د پام وړ فعالیت نه تر سترګو کېږي
پیکاکس غر د ایران له تر ټولو خوندي اټومي سیمو څخه ګڼل کېږي. د پوځي او اټومي چارو د ځینو کارپوهانو په وینا، په دغه غر کې دوه ژور تونلونه جوړ شوي چې د ځمکې په ژورو کې موقعیت لري. همدا لامل دی چې ګڼ شنونکي باور لري د امریکا تر ټولو ځواکمن بمونه هم ښايي دغو تونلونو ته د پام وړ زیان ونه رسوي
د دغو څرګندونو په داسې حال کې کېږي چې د امریکا او ایران ترمنځ کړکېچ لا هم دوام لري. تر اوسه ایراني چارواکو د ټرمپ د وروستیو څرګندونو په اړه رسمي غبرګون نه دی ښودلی، خو د سیمې د امنیتي وضعیت په اړه اندېښنې زیاتې شوې دي او نړیواله ټولنه د دواړو لورو ترمنځ د تاوتریخوالي د پراخېدو احتمال له نږدې څاري
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl