اخبار فوری
فــــهــــيـــم شـاهـیـن
25 سرطان 1405
46
ایران: امریکا دې د خپلو اقداماتو په اړه نړیوالو ته ځواب ووایي
بریانیوز - پنجشنبه ٢۵ سرطان ١٤٠٥
نیویارک – په ملګرو ملتونو کې د ایران دایمي استازي امیر سعید ایرواني د ملګرو ملتونو سرمنشي انټونیو ګوترش ته په یوه رسمي لیک کې امریکا د نړیوالو قوانینو په نقض تورنه کړې او غوښتنه یې کړې چې واشنګټن د خپلو اقداماتو په اړه ځوابویونکی وبلل شي
د ایران د ایرنا خبري اژانس د راپور له مخې، ایرواني په لیک کې ادعا کړې چې امریکا د تهران سره د شوې هوکړې له لاسلیک وروسته خپلې ژمنې عملي نه کړې او د هوکړې د پلي کېدو بهیر یې په قصدي ډول کمزوری کړی دی
هغه ویلي، ایران د امریکا له لوري د هوکړې د ګڼو سرغړونو اسناد چمتو کړي او باور لري چې دغه اقدامات د نړیوالو قوانینو او د ملګرو ملتونو د منشور له اصولو سره په ټکر کې دي
ایرواني همدارنګه ادعا کړې چې پر ملکي وګړو او ملکي تاسیساتو ترسره شوي بریدونه د نړیوال بشري قانون له مخې د جدي سرغړونو بېلګې دي او نړیواله ټولنه باید په دې اړه لازم اقدامات وکړي
تر اوسه د امریکا حکومت د ایران د دغو ادعاوو په اړه رسمي غبرګون نه دی خپور کړی
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl