اخبار فوری
فــــهــــيـــم شـاهـیـن
25 سرطان 1405
5
د پامیر خلک: د ماشومانو د زدهکړو لپاره دې معیاري لیسه او لیلیه جوړه شي
بریانیوز - پنجشنبه ٢۵ سرطان ١٤٠٥
بدخشان – د بدخشان ولایت د پامیر سیمې اوسېدونکو له حکومت څخه غوښتنه کړې چې د سیمې د ماشومانو د زدهکړو د ستونزو د حل لپاره دې له لیلیې سره یوه معیاري لیسه جوړه کړي
دوی وايي، که څه هم په وروستیو کلونو کې په پامیر کې ځینې پراختیايي پروژې پلې شوې دي، خو د لیلیې لرونکي ښوونیز مرکز نشتوالی لا هم د زرګونو ماشومانو پر زدهکړو منفي اغېز کړی دی
د سیمې اوسېدونکي زیاتوي، د استوګنیزو سیمو او ښوونځیو ترمنځ اوږده واټنونه، د تګ راتګ ستونزمنې لارې او طبیعي خنډونه د دې لامل شوي چې ډېری ماشومان ښوونځیو ته په منظم ډول لاسرسی ونه لري
د پامیر د وړې وخچیر درې یو اوسېدونکی وايي، ځینې زدهکوونکي اړ دي تر څلورو ساعتونو پورې د آس پر مزل سفر وکړي، چې دا چاره د زدهکړو دوام له جدي ستونزو سره مخ کوي
په همدې حال کې، ۱۲ کلن خالد، چې د سیمې یو زدهکوونکی دی، وايي د زدهکړو لپاره لېوالتیا لري، خو د ښوونځي لرېوالی او د استوګنې مناسب ځای نشتوالی یې د زدهکړو مخه نیولې ده
د پامیر اوسېدونکي له حکومت غواړي چې د معیاري لیسې او لیلیې په جوړولو سره د سیمې ماشومانو ته د زدهکړو برابر فرصتونه رامنځته کړي او د لرې پرتو سیمو د تعلیمي ستونزو د حل لپاره عملي ګامونه پورته کړي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl