اخبار فوری
فــــهــــيـــم شـاهـیـن
25 سرطان 1405
4
د خلیج هېوادونه: د ایران او امریکا کړکېچ دې د سیمې امنیت نه ګواښي
بریانیوز - پنجشنبه ٢۵ سرطان ١٤٠٥
دوحه – د خلیج یو شمېر هېوادونو د ایران او امریکا ترمنځ د روانو پوځي ترینګلتیاوو له پراخېدو وروسته، په سیمه کې د امنیتي وضعیت د خرابېدو په اړه اندېښنه څرګنده کړې او د تاوتریخوالي د پای ته رسېدو غوښتنه یې کړې ده
د راپورونو له مخې، د هرمز تنګي په وروستیو امنیتي پېښو کې د متحده عربي اماراتو دوه د تېلو لېږدوونکې کښتۍ زیانمنې شوې، چې له امله یې د عملې یو شمېر غړي ټپیان او ورک شوي دي
له دغو پېښو وروسته قطر، کویټ، بحرین او متحده عربي اماراتو په جلا جلا اعلامیو کې ټینګار کړی چې د تهران او واشنګټن شخړه باید د سیمې نورو هېوادونو ته ونه غځېږي او د خلیج امنیت او ثبات له خطر سره مخ نه کړي
یادو هېوادونو د ډیپلوماسۍ، خبرو اترو او د کړکېچ د سولهییز حل ملاتړ کړی او خبرداری یې ورکړی چې د تاوتریخوالي دوام به د هرمز تنګي د امنیت او د نړیوالې انرژۍ د لېږد پر بهیر منفي اغېزې ولري
دا څرګندونې په داسې حال کې کېږي چې قطر او عمان لا هم د منځګړیتوب هڅې روانې ساتلي، خو د اوسني کړکېچ د ژر هواري احتمال لا هم کم ښکاري
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl