اقتصاد

بانک : د افغانستان بانک ۱.۱۴۱ میلیارده افغانۍ زړې بانکنوټونه وسوځول

اشتراک گذاری:

بریانیوز - پنجشنبه ٢۵ سرطان ١٤٠٥

کابل – د افغانستان بانک اعلان کړی چې د هېواد له شمالي او شمال ختیځو سیمو راټولې شوې زړې بانکنوټونه، چې ټولیز ارزښت یې ۱.۱۴۱ میلیارده افغانۍ و، د بلخ ولایت په ځانګړې بټۍ کې له منځه وړل شوي دي

د افغانستان بانک په وینا، د زړو او له کاره لوېدلو بانکنوټونو سوځول د دې لپاره ترسره شوي چې د پیسو د راکړې ورکړې بهیر اسانه شي او د افغانیو د دوران کیفیت ښه وساتل شي

د دغه بانک دویم مرستیال محمد اخند له هېوادوالو غوښتي چې د افغانیو بانکنوټونو ته پاملرنه وکړي او په سمه توګه یې وساتي، څو د پیسو د ژر خرابېدو او د نوو بانکنوټونو د چاپ لګښتونه کم شي

افغانستان بانک ټینګار کړی چې د زړو بانکنوټونو منظم راټولول او له منځه وړل د پولي نظام د سمون او د افغانیو د اعتبار د ساتنې یوه برخه ده