سیاست

سياسي کنفرانس: امریکا د ۶۰ هېوادونو د بهرنیو چارو وزیران د سیاسي افراطیت د مخنیوي کنفرانس ته وربللي

اشتراک گذاری:

بریانیوز - شنبه ٢۷ سرطان١٤٠٥

واشنګټن – د امریکا د بهرنیو چارو وزارت اعلان کړی چې د نړۍ د شاوخوا ۶۰ هېوادونو د بهرنیو چارو وزیرانو ته یې د یوه نړیوال کنفرانس بلنه ورکړې، څو د سیاسي افراطیت، تاوتریخوالي او د افراطي خوځښتونو د بیا راڅرګندېدو پر وړاندې د ګډو اقداماتو په اړه خبرې وکړي

د دغه وزارت په وینا، په ځینو هېوادونو کې د چپي افراطي افکارو او سیاسي تاوتریخوالي د زیاتېدو نښې لیدل کېږي، او اړتیا ده چې نړیواله ټولنه د دې پدیدې د پراختیا د مخنیوي لپاره همغږي او ګډه تګلاره غوره کړي

ټاکل شوې ده چې ګډونوال وزیران د افراطي ډلو د فعالیتونو، د امنیتي همکاریو د پراخولو، د استخباراتي معلوماتو د شریکولو او د افراطي افکارو د خپرېدو د مخنیوي پر لارو چارو بحث وکړي

د امریکا د بهرنیو چارو وزارت ټینګار کړی چې د نړیوال امنیت ساتنه د ګډو نړیوالو همکاریو غوښتنه کوي او د افراطي خوځښتونو پر وړاندې به له شریکانو هېوادونو سره خپلې همکارۍ لا پیاوړې کړي