مقاله

ایران: د امریکا په تازه بریدونو کې لسګونه کسان وژل شوي او سلګونه نور ټپیان دي

اشتراک گذاری:

بریانیوز - شنبه ٢۷ سرطان١٤٠٥

تهران – د راپورونو له مخې، امریکا یو ځل بیا د ایران پر یو شمېر پوځي او ستراتیژیکو اهدافو هوايي بریدونه کړي، چې له امله یې په بېلابېلو سیمو کې مرګ‌ژوبله او مالي زیانونه اوښتي دي

د ایران د روغتیا وزارت ویلي، د روانې میاشتې له پیل راهیسې د امریکايي بریدونو په پایله کې لږ تر لږه ۳۵ کسان وژل شوي او له ۳۰۰ څخه ډېر نور ټپیان شوي دي. د وزارت په وینا، د ټپیانو یو شمېر روغتیايي وضعیت نازک ښودل شوی او د درملنې لاندې دي

ایراني چارواکو ویلي، د بریدونو له امله ځینې ودانۍ او نورې زېربناوې هم زیانمنې شوې، خو د بریدونو د دقیقو ځایونو او د وژل شویو کسانو د هویت په اړه یې نور جزییات نه دي خپاره کړي

تر اوسه امریکايي چارواکو د دغو بریدونو او د ایران د مرګ‌ژوبلې د ادعاوو په اړه رسمي غبرګون نه دی ښودلی او د راپورونو خپلواکه ارزونه هم نه ده شوې

دا بریدونه په داسې حال کې ترسره کېږي چې د امریکا او ایران ترمنځ پوځي کړکېچ لا هم دوام لري او د سیمې د امنیتي وضعیت د لا خرابېدو په اړه اندېښنې زیاتې شوې دي