مقاله

مشر شهاب‌الدین دلاور: امریکا له افغانستانه تر وتلو وروسته له ۳۰۰۰ ډېرې سرغړونې کړې دي

اشتراک گذاری:

بریانیوز سه شنبه ( ۱۰/ سنبله /۱۴۰۵هـ.ش)

کابل — د طالبانو تر واک لاندې د افغاني سرې میاشتې ټولنې مشر شهاب‌الدین دلاور وايي، د دوحې تړون له لاسلیک وروسته د امریکا د ژمنو او اقداماتو د څارنې په بهیر کې د ګډې کمېټې له غړو سره یو ځای کار کړی دی

دلاور ادعا کوي چې امریکا له افغانستانه تر وتلو وروسته د دوحې د تړون له اصولو او ژمنو څخه له ۳۰۰۰ ډېرې سرغړونې کړې دي

نوموړي ویلي، د دوحې تړون پر مهال یې د امریکا له ګډې کمېټې سره د افغانستان، طالبانو، امریکا او د هوکړې اړوند چارې څارلې او د تړون د پلي کېدو بهیر یې له نږدې تعقیباوه

د طالبانو دغه چارواکي ټینګار کړی چې د امریکا د ادعا شویو سرغړونو له امله دوی له خپلو دریځونو څخه شاته شوي نه دي او د تړون په اړه پر خپلو ژمنو ولاړ پاتې دي

دلاور د دغو سرغړونو د څرنګوالي او مشخصو مواردو په اړه نور جزئیات نه دي ورکړي، خو د هغه څرګندونې په داسې حال کې دي چې د دوحې تړون له لاسلیک وروسته د افغانستان او امریکا ترمنځ د هوکړې د پلي کېدو، ژمنو او متقابلو اقداماتو په اړه د دواړو لورو ترمنځ اختلافات او تورونه لا هم مطرح کېږي