تعلیم

اروپايي ټولنه : په افغانستان کې د نجونو او ښځو پر محدودیتونو نیوکه کړې

اشتراک گذاری:

(بریانیو سه شنبه (۲۷/ میزان /۱۴۰۵هـ.ش

اروپايي ټولنې په افغانستان کې د ښځو او نجونو پر وړاندې د بشري حقونو سرغړونې او جنسیتي تبعیض غندلي او د هغوی پر وړاندې یې د لګول شویو محدودیتونو د پای ته رسولو غوښتنه کړې ده

اروپايي ټولنې په ځانګړې توګه له شپږم ټولګي پورته د نجونو پر زده‌کړو بندیز ته اشاره کړې او ټینګار یې کړی چې ښځې او نجونې باید له زده‌کړو او خپلو اساسي حقونو څخه محرومې نه شي

دې ټولنې د افغانستان له واکمنو چارواکو غوښتي چې د ښځو او نجونو پر وړاندې محدودیتونه پای ته ورسوي او د هغوی د حقونو د خوندي کولو لپاره لازم ګامونه واخلي

د نجونو پر منځنیو او لوړو زده‌کړو محدودیتونه لا هم د افغانستان په اړه د نړیوالو بنسټونو او هېوادونو د اندېښنو له مهمو موضوعاتو څخه دي