اخبار جهان

سپینې ماڼۍ : ټرمپ له شي جین‌پینګ او پوتین سره درې اړخیزې غونډې ته چمتووالی ښودلی

اشتراک گذاری:

(بریانیو سه شنبه (۲۷/ میزان /۱۴۰۵هـ.ش

د امریکا ولسمشر ډونالډ ټرمپ ویلي، چمتو دی چې له خپل چینایي سیال شي جین‌پینګ او روسي ولسمشر ولادیمیر پوتین سره په درې اړخیزه غونډه کې ګډون وکړي

ټرمپ له سپینې ماڼۍ بهر خبریالانو ته ویلي، په احتمالي غونډه کې به د اټومي وسلو د کمولو پر موضوع خبرې وکړي. د نوموړي په وینا، دا غونډه د درې واړو هېوادونو د مشرانو لپاره د اټومي وسلو په اړه د خبرو اترو فرصت برابرولای شي

تر دې وړاندې د روسیې کرملین هم ویلي وو چې د امریکا، چین او روسیې مشران ښايي راتلونکې میاشت په چین کې د اسیا او ارام سمندر سیمې د اقتصادي همکاریو سازمان (اپیک) د غونډې په څنډه کې سره وګوري

خو د درې اړخیزې غونډې د ترسره کېدو او د هغې د اجنډا په اړه وروستۍ پرېکړه لا په ورکړل شویو معلوماتو کې نه ده روښانه شوې