اخبار جهان

د بریټانیا لومړي وزیر : د افغانستان جګړې په اړه د پیټ هګست څرګندونې ناسمې بللې

اشتراک گذاری:

(بریانیو سه شنبه (۲۷/ میزان /۱۴۰۵هـ.ش

د بریټانیا د لومړي وزیر ویاند د افغانستان د جګړې په اړه د امریکا د جګړې وزیر پیټ هګست څرګندونې رد کړې او هغه یې ناسمې بللې دي

پیټ هګست تر دې مخکې ویلي وو چې په افغانستان کې د ناټو یوازې شاوخوا پنځو غړو هېوادونو په پوځي عملیاتو کې د پام وړ ونډه لرله او له دې ډلې یوازې یو یا دوه هېوادونه په مستقیمو جنګي عملیاتو کې ښکېل وو

خو د بریټانیا د لومړي وزیر ویاند د دغو څرګندونو په غبرګون کې ویلي چې د افغانستان په جګړه کې ۴۵۷ بریټانوي پوځیانو خپل ژوند له لاسه ورکړی دی

نوموړي ټینګار کړی چې د دغو پوځیانو قربانۍ باید هېرې نه شي. د بریټانیا دا غبرګون په داسې حال کې څرګند شوی چې د افغانستان په جګړه کې د ناټو د غړو هېوادونو د پوځي ونډې او قربانیو په اړه بحثونه روان دي