اخبار جهان

ایران او روسیه : د کابل او اسلام‌اباد ترمنځ د ترینګلتیاو پر کمولو ټینګار کوي

اشتراک گذاری:

(بریانیو سه شنبه (۲۷/ میزان /۱۴۰۵هـ.ش

د ایران د بهرنیو چارو وزیر سید عباس عراقچي ویلي، ایران او روسیه د افغانستان او پاکستان ترمنځ د ترینګلتیاو د کمولو په اړه ورته دریځونه لري او د دواړو هېوادونو ترمنځ د اړیکو د ښه کېدو ملاتړ کوي

عراقچي دغه څرګندونې له خپل روسي سیال سرګي لاوروف سره په یوه ګډه خبري غونډه کې کړې دي نوموړي ټینګار کړی چې د کابل او اسلام‌اباد ترمنځ د اختلافاتو کمول د سیمې د ثبات لپاره اهمیت لري

تر دې وړاندې په پاکستان کې د روسیې سفیر هم ویلي وو چې مسکو چمتو دی د افغانستان او پاکستان ترمنځ د ترینګلتیاو د کمولو او د دواړو لورو ترمنځ د همکارۍ د پیاوړتیا لپاره مرسته وکړي

د ایران او روسیې دا څرګندونې په داسې حال کې دي چې د افغانستان او پاکستان ترمنځ د اړیکو د ښه کېدو او د اختلافاتو د حل لپاره د سیمه‌ییزو همکاریو پر اړتیا ټینګار کېږي