اخبار جهان

مصر: د سعودي عربستان د امنیت لپاره هر ډول پوځي ملاتړ ته چمتو یو

اشتراک گذاری:

(بریانیو سه شنبه (۲۷/ میزان /۱۴۰۵هـ.ش

مصر اعلان کړی چې د سعودي عربستان پر وړاندې د حوثيانو د بریدونو له زیاتېدو وروسته، د دغه هېواد د امنیت او ځمکنۍ بشپړتیا د ساتنې لپاره هر ډول پوځي ملاتړ ته چمتو دی

د ورکړل شویو معلوماتو له مخې، د مصر ولسمشر عبدالفتاح السیسي د ملي دفاع شورا له غونډې وروسته د پارلمان د بېړنۍ ناستې غوښتنه کړې، څو سعودي عربستان ته د ځواکونو د احتمالي استولو په اړه بحث وشي

قاهرې ټینګار کړی چې د سعودي عربستان د ځمکنۍ بشپړتیا او د اسلامي سپېڅلو ځایونو ساتنه یې له مهمو لومړیتوبونو څخه ده

دا څرګندونې په داسې حال کې کېږي چې د سعودي عربستان پر وړاندې د بریدونو د زیاتېدو په اړه اندېښنې راپورته شوې دي. خو سعودي ته د مصري ځواکونو د استولو په اړه وروستۍ پرېکړه په ورکړل شویو معلوماتو کې نه ده روښانه شوې