اخبار جهان

تهران: ایران د افغانستان له لارې تاجکستان ته د انرژۍ دهلېز له طرحې ملاتړ وکړ

اشتراک گذاری:

(بریانیو سه شنبه (۲۷/ میزان /۱۴۰۵هـ.ش

د ایران د ولسمشر لومړي مرستیال محمدرضا عارف د تاجکستان له ولسمشر امام علي رحمان سره په لیدنه کې د دواړو هېوادونو ترمنځ د اقتصادي، کلتوري او سیمه‌ییزو همکاریو پر پراختیا ټینګار کړی دی

د ایراني رسنیو د راپورونو له مخې، عارف د تاجکستان د ولسمشر له لوري د پارس جنوبي، افغانستان او تاجکستان ترمنځ د انرژۍ دهلېز جوړولو له وړاندیز شوې طرحې هرکلی کړی او هغه یې مثبت او رغنده ګام بللی دی

عارف ویلي، ایران له افغانستان او تاجکستان سره د درې اړخیزو همکاریو پراختیا ته لېوالتیا لري او په دې برخه کې د همکارۍ لپاره مناسب ظرفیتونه موجود دي. د دې طرحې موخه د انرژۍ په برخه کې د سیمه‌ییزو اړیکو پراختیا او د درې واړو هېوادونو ترمنځ د همکارۍ پیاوړتیا ده