اخبار جهان

لندن : بریټانیا کې د ایران له استخباراتو سره د احتمالي اړیکو په تور دوه کسان بیا نیول شوي

اشتراک گذاری:

(بریانیو چهارشنبه (۲۹/ میزان /۱۴۰۵هـ.ش

د بریټانیا پولیسو دوه ۲۴ او ۲۵ کلن نارینه د ایران له استخباراتي ادارو سره د احتمالي همکارۍ او د فېرفورډ هوايي اډې په تړاو د مشکوکو فعالیتونو په قضیه کې یو ځل بیا نیولي دي

د بریټانیا د ترهګرۍ ضد پولیسو ویلي، څېړونکي په دې اړه پلټنې کوي چې ایا د دغې پېښې تر شا د ایران حکومت لاس لرلای شي که نه. د پولیسو په وینا، په دې قضیه کې د ایران د دولت د احتمالي ښکېلتیا امکان جدي ګڼل شوی او تحقیقات لا هم روان دي

فېرفورډ هوايي اډه د بریټانیا له مهمو پوځي تاسیساتو څخه ده او د پوځي الوتنو لپاره کارول کېږي. د دغې اډې په تړاو د مشکوکو فعالیتونو قضیې د امنیتي ادارو پام ځان ته اړولی دی

بل لور ته، په بریټانیا کې د ایران سفیر تر دې وړاندې د دغې پېښې په تړاو د تهران د لاس لرلو ادعا رد کړې وه. تر اوسه د روانو پلټنو وروستۍ پایلې نه دي اعلان شوې او د نیول شویو کسانو احتمالي جرمونه هم لا په قضايي بهیر کې نه دي ثابت شوي