اقتصاد

تجارت: د کندهار له باغوانانو ۵ زره ټنه انار پېرل شوي؛ روسیې او اسیايي هېوادونو ته صادرېږي

اشتراک گذاری:

(بریانیو چهارشنبه (۲۹/ میزان /۱۴۰۵هـ.ش

یو روسي سوداګر د کندهار ولایت د ارغنداب او ژیړۍ ولسوالیو له باغوانانو څخه پنځه زره ټنه انار پېرلي دي چې ټاکل شوې روسیې، منځنۍ اسیا، جاپان او جنوبي کوریا ته صادر شي

د دې انارو پېرودنه د کندهار د انارو د بازارموندنې او بهرنیو بازارونو ته د افغان کرنیزو محصولاتو د رسولو لپاره مهم فرصت بلل کېدای شي. د ارغنداب او ژیړۍ ولسوالۍ د انارو د تولید له مشهورو سیمو څخه دي او د دغو سیمو انار په کورنیو او بهرنیو بازارونو کې ځانګړی ارزښت لري

د انارو صادرات کولای شي د باغوانانو د محصولاتو لپاره بازار پراخ کړي، د هغوی عاید زیات کړي او د افغانستان د کرنیزو توکو په صادراتو کې د تازه مېوو ونډه پیاوړې کړي

روسیې، منځنۍ اسیا، جاپان او جنوبي کوریا ته د دغو انارو د لېږد په اړه د صادراتو د پیل نېټه او د لېږد د څرنګوالي نور جزئیات نه دي ورکړل شوي