اخبار فوری
شفيق احمد
29 میزان 1405
42
بریا نیوز معلومات ترلاسه کړي، چې د طالبانو یو ولسوال میرویس، مشهور په قاضي ابوبکر، خپل زوی محمد داوود د کابل پوهنتون د معلوماتي ټکنالوژۍ (IT) آمریت ته مقرر کړی دی.
بریانیوز- چهارشنبه، ٢٩ میزان ١٤٠٥
د معلوماتو له مخې، محمد داوود د دولسم ټولګي اسناد د ځان لپاره جوړ کړي، په داسې حال کې چې د زدهکړو او مسلکي وړتیا په برخه کې لازم شرایط نه لري. نوموړی پخوا د کابل پوهنتون مامور و، خو وروسته له دندې تنقیص شو او بیا د یاد پوهنتون د IT آمریت د آمر په توګه مقرر شو. هغه په خپلو اسنادو کې ځان انجینر هم معرفي کوي.
محمد داوود د خپلې دندې له امکاناتو څخه د شخصي استفادې لپاره هم کار اخیستی دی. نوموړي د خپل کور پرنټر د کابل پوهنتون د IT آمریت په امکاناتو ترمیم کړی؛ د ترمیم وړاندیز یې پخپله کړی او د معاینې هیئت ته یې ځواب هم پخپله وړاندې کړی دی. نوموړی ان د املا له لیکلو سره هم ستونزې لري.
دا په داسې حال کې ده چې ګڼ مسلکي او متخصص افغانان د بېکارۍ له امله اړ شوي چې د کار او مناسب ژوند موندلو لپاره بهرنیو هېوادونو ته کډوال شي، خو د طالبانو د چارواکو خپلوان په دولتي ادارو کې مهمو بستونو ته مقررېږي.
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl