اخبار فوری
د ترکیې پولیسو له خوا د افغان کډوالو شکنجه کول؛ د ځینو لاسونو او پښو ګوتې ماتې شوې دي
شفيق احمد
04 عقرب 1405
41
سرچینې وايي، د ترکیې پولیسو د ایران او ترکیې ترمنځ د ماکو په سرحدي سیمه کې د یو شمېر افغان کډوالو له نیولو وروسته ورسره ناوړه چلند کړی او شکنجه کړي یې دي، چې له امله یې د ځینو کډوالو د لاسونو او پښو ګوتې ماتې شوې دي.
بریانیوز- دوشنبه، ٤ عقرب ١٤٠٥
سرچینو د یکشنبې په ورځ، د عقرب په ٣مه بریانیوز ته ویلي، چې د ترکیې پولیسو دغه افغان کډوال د ایران او ترکیې ترمنځ د پولې د اوښتو پر مهال نیولي او تر نیولو وروسته یې شکنجه کړي دي.
د سرچینو په وینا، د یادو کډوالو د لاسونو او پښو د ګوتو د ماتېدو پېښې هم رامنځته شوې دي.
سرچینې زیاتوي، چې اوس هم ګڼ شمېر افغان کډوال په ایران کې مېشت دي او ځینې یې له خپلو استوګنځایونو څخه د ایران او ترکیې د پولې پر لور حرکت کوي.
سرچینو د ماکو په سرحدي سیمه کې د افغان کډوالو د وضعیت په اړه اندېښنه ښودلې او د هغوی وضعیت ته یې د پاملرنې غوښتنه کړې ده.
په وروستیو کلونو کې ګڼ شمېر افغانان د ترکیې له لارې اروپايي هېوادونو ته د تګ په موخه د ایران مسیر کاروي. خو په دې لاره کې افغان کډوال له بېلابېلو خطرونو، د نیول کېدو او ناوړه چلند په ګډون، سره مخ دي.
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl