مقاله

د ایران توند غبرګون؛ د سمندري بنسټونو پر ضد ګواښونو ته د تهران کلک دریځ

اشتراک گذاری:

بریانیوز:( دوشنبه،۳۱ حمل۱۴۰۵)

د عباس عراقچی، د ایران د بهرنیو چارو وزیر، په خپلو تازه څرګندونو کې د متحده ایالات له‌خوا د ایراني بندرونو او بېړیو پر وړاندې د ګواښونو په اړه سخت او څرګند غبرګون ښودلی دی

د راپورونو له مخې، عراقچي د خپل پاکستاني سیال سره په ټیلیفوني خبرو کې ټینګار کړی، چې د ایران د سمندري بنسټونو ګواښل او د واشنګټن له‌خوا «غیرمنطقي» غوښتنې، د دې هېواد د سیاست په چلند کې د جديت نشتوالی څرګندوي

نوموړي دا دریځ د سیمې د ثبات لپاره اندېښمنوونکی وباله

هغه زیاته کړه: «ایران به د خپلو ملي ګټو او امنیت د خوندي کولو لپاره له ټولو شته ظرفیتونو څخه کار واخلي.» د هغه په وینا، تهران به هېڅکله اجازه ور نه کړي چې بهرني فشارونه د هېواد پر حاکمیت او ستراتیژیکو شتمنیو اغېز وکړي.

سیاسي شنونکي باور لري، چې د دې ډول څرګندونو تر شا د سیمې د امنیتي وضعیت پېچلتیا او د نړیوالو اړیکو زیاتېدونکې کړکېچنې فضا پرته ده

دوی وایي، که دا کړکېچونه مهار نه شي، نو ښایي د سیمې پر سوداګرۍ، انرژۍ لېږد او سمندري امنیت ژور اغېز وکړي