اخبار فوری
فــــهــــيـــم شـاهـیـن
03 ثور 1405
57
د غزې په شمال کې مرګونی هوايي برید: د درې ماشومانو په ګډون پنځه تنه وژل شوي
بریانیوز:(پنجشنبه،۳ ثور۱۴۰۵)
د غزه د روغتیايي چارواکو په وینا، د چهارشنبې په ورځ د اسراییل د هوايي برید له امله د دې تړانګې په شمال کې پنځه فلسطینیان وژل شوي، چې په وژل شویو کې درې ماشومان هم شامل دي
د راپورونو له مخې، دغه برید د بیتلاهیا په سیمه کې، چې د غزې په شمال کې موقعیت لري، د یوه جومات ته څېرمه ترسره شوی دی. عیني شاهدان او روغتیايي سرچینې وایي، برید هغه مهال وشو چې ملکي وګړي په سیمه کې موجود وو
رویترز د ډاکټرانو او د ملکي دفاع د مسوولانو له قوله راپور ورکړی چې یاد کسان په مستقیم ډول د هوايي برید هدف ګرځېدلي دي، چې له امله یې درنه مرګ ژوبله رامنځته شوې ده
تر اوسه د برید په اړه د اسراییلي چارواکو رسمي غبرګون نه دی خپور شوی، خو په وروستیو کې د غزې په شمالي سیمو کې د پوځي عملیاتو زیاتوالی لیدل کېږي
شنونکي وایي، د ملکي وګړو مرګ ژوبله به د سیمې د بشري وضعیت لا خراب کړي او د نړیوالو اندېښنو کچه به نوره هم لوړه کړي، په داسې حال کې چې د اوربند او سولې هڅې لا هم له خنډونو سره مخ دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl