سیاست

د جګړې او روغې ترمنځ حساس پړاو؛ د تهران او واشنګټن ترمنځ د نوې جوړجاړي هیلې

اشتراک گذاری:

بریا نیوز (سه شنبه ،۲۹ثور ۱۴۰۵)

د امریکا ولسمشرډونالډ ټرمپ ویلي، که ایران د اتومي وسلې له جوړولو تېر شي، واشنګټن چمتو دی چې له تهران سره نوې هوکړې ته ورسېږي

نوموړي څرګنده کړې چې پر ایران د احتمالي برید پرېکړه یې د عربي هېوادونو په غوښتنه تر دریو ورځو ځنډولې ده، څو د روغې او خبرو اترو لپاره نور فرصت هم برابر شي

بل لور ته قطر د پاکستان په مشرۍ د سوله‌ییز منځګړیتوب ملاتړ کړی او ټینګار یې کړی چې د سیمې ارامي او ثبات یوازې د تفاهم او سیاسي جوړجاړي له لارې خوندي کېدای شي. د قطر چارواکو ویلي، د اوسني ترینګلي حالت دوام به د سیمې پر اقتصاد، سوداګرۍ او ولسونو ژور اغېز وکړي

په همدې ترڅ کې ایران د هرمز تنګي له لارې د بېړیو پر تګ راتګ نوي بندیزونه لګولي دي. هرمز تنګی چې د نړۍ د تېلو د لېږد یوه مهمه سمندري لاره ګڼل کېږي، اوس د نړیوالو اندېښنو په مرکز بدل شوی دی

شنونکي وایي، که وضعیت نور هم تود شي، ښايي د انرژۍ نړیوال بازارونه له سختو ټکانونو سره مخ شي

سیاسي څارونکي باور لري چې د جګړې سیوري لا هم پر سیمه خپاره دي، خو د منځګړیتوب روانې هڅې ښایي د یوې نوې سیاسي هوکړې لپاره لاره هواره کړي. نړۍ اوس د تهران، واشنګټن او د سیمې د نورو هېوادونو راتلونکو ګامونو ته په بې‌صبرۍ سترګې په لار ده