د ټاپي پروژې د هرات فاز چارې تر ۵۲ سلنې رسېدلې دي

اشتراک گذاری:

بریانیوز- سه شنبه، ١۹ جوزا ١٤٠٥

د کانونو او پټرولیم وزارت ویاند همایون افغان ویلي چې د ټاپي ګاز نل‌لیکې پروژې د هرات فاز ودانیزې چارې د پام وړ پرمختګ کړی او اوس نږدې ۵۲ سلنه بشپړې شوې دي

د نوموړي په وینا، تر اوسه د پروژې په چوکاټ کې ۸۰ کیلومټره نل‌لیکه غځول شوې او د نل‌لیکې د تېرېدو لپاره ۱۲۶ کیلومټره مسیر هم چمتو شوی دی

هغه زیاته کړې چې د پروژې د تخنیکي او څارنیزو اړتیاوو لپاره ۱۰۸ کیلومټره نښلوونکی او نظارتي سړک جوړ شوی او ۳۶.۳ کیلومټره نل‌لیکه تر ځمکې لاندې خښه شوې ده

د همایون افغان د معلوماتو له مخې، ۷۲.۳ کیلومټره نوره نل‌لیکه هم د پروژې ساحې ته لېږدول شوې چې د راتلونکو پړاوونو په عملي کولو کې به ترې ګټه واخیستل شي

د ټاپي پروژه د سیمې له سترو انرژۍ پروژو څخه ګڼل کېږي چې موخه یې د طبیعي ګاز د افغانستان له لارې او ته لېږدول دي

اقتصادي شنونکي باور لري چې د دغې پروژې بشپړېدل به د افغانستان لپاره د ترانزیټي عوایدو، کاري فرصتونو او سیمه‌ییزو اقتصادي همکاریو په پراختیا کې مهم رول ولوبوي

دا پرمختګ په داسې وخت کې اعلانېږي چې د ټاپي پروژې د عملي کېدو بهیر د افغانستان او سیمې د اقتصادي نښلونې له مهمو پروژو څخه ګڼل کېږي