مقاله

اروپایي ټولنه: یوازې مجرم او امنیت ته ګواښ پېښوونکي افغانان اخراجېږي

اشتراک گذاری:

بریانیوز- سه شنبه ۲ سرطان ١٤٠٥

اروپایي کمېسیون ویاند ویلي : چې اروپایي هېوادونه یوازې هغه افغان کډوال باسي چې په جرمونو کې ښکېل وي او د غړو هېوادونو امنیت ته احتمالي ګواښ بلل کېږي

نوموړي څرګنده کړې چې د کډوالو د ایستلو پرېکړه د اروپایي ټولنې د هر غړي هېواد خپلواک صلاحیت دی او هر هېواد د خپلو قوانینو او امنیتي ارزونو له مخې پرېکړه کوي.

د لامرت په وینا، اروپایي کمېسیون د اخراج د پرېکړو مسئول نه دی، بلکې یوازې د غړو هېوادونو ترمنځ همغږي، تخنیکي اسانتیاوې او اړوندې خبرې اترې پرمخ وړي.

دا څرګندونې داسې مهال کېږي چې ټاکل شوې د طالبانو یو پلاوی نن (سه‌شنبه) له ترکیې څخه بروکسل ته سفر وکړي، څو د کډوالۍ او یو شمېر نورو تخنیکي موضوعاتو په اړه له اروپایي چارواکو سره خبرې وکړي.

دغه سفر په داسې وخت کې ترسره کېږي چې د افغان کډوالو د وضعیت او د هغوی د ایستلو د پالیسۍ په اړه په اروپا کې بحثونه لا هم روان دي.