سیاست

ولسمشرټرمپ: د ایران د کنګل شویو شتمنیو یوه برخه خوشې شوې

اشتراک گذاری:

بریانیوز- سه شنبه ۲ سرطان ١٤٠٥

د امریکا ولسمشر ډونالډ ټرمپ ویلي چې د ایران د کنګل شویو شتمنیو یوه برخه خوشې شوې او دا بودیجه به د خوراکي توکو او بشري اړتیاوو د پوره کولو لپاره ولګول شي

نوموړي د سویس په مذاکراتو کې د امریکا او ایران ترمنځ د خبرو د لومړي پړاو له پایلو هم خوښي څرګنده کړې او ویلي یې دي چې خبرې په مثبت لوري روانې دي

ټرمپ ویلي: «د ایران د کنګل شویو شتمنیو یوه برخه ازاده شوې او ټاکل شوې چې دغه پیسې د خوراکي توکو د پېرلو لپاره وکارول شي»

د هغه په وینا، د دې پروګرام له لارې به خوراکي توکي تر ډېره له امریکا او امریکايي کروندګرو څخه وپېرل شي، چې هم به بشري اړتیاوې پوره کړي او هم به د امریکا د کرنې سکتور ته ګټه ورسوي

دا څرګندونې په داسې حال کې کېږي چې د واشنګټن او تهران ترمنځ ډیپلوماټیکې هڅې دوام لري او دواړه لوري د اختلافاتو د کمولو لپاره د خبرو اترو پر لاره تمرکز کوي