مقاله

د کابل یو شمېر اوسېدونکي: د ترکیې د ویزو په بهیر کې لګښتونه زیات شوي

اشتراک گذاری:

بریانیوز پنجشنبه- ١۸ سرطان ١٤٠٥

په کابل کې د ترکیې د ویزو یو غوښتونکي ویلي، چې د ترکیې سفارت له محصلینو، ناروغانو او نورو مراجعینو څخه د ویزو د بهیر پر مهال په بېلابېلو پلمو لوړ لګښتونه اخلي

نوموړي ویلي، د ویزې د ترلاسه کولو لپاره د پخوا په پرتله نوې غوښتنې هم ورزیاتې شوې دي، چې پکې ځانګړې روغتیايي معاینه، د ځینو اسنادو ژباړه او د اسنادو قانوني کول شامل دي. د هغه په وینا، دغو اضافي شرطونو د ویزې د ترلاسه کولو لګښتونه د پام وړ لوړ کړي دي

د ویزو یو شمېر نورو غوښتونکو هم ورته اندېښنې څرګندې کړې او وایي، د نویو شرطونو له امله د محصلینو، ناروغانو او هغو کسانو لپاره چې د درملنې، زده‌کړو یا نورو اړتیاوو له امله ترکیې ته د تګ غوښتنه لري، مالي بار زیات شوی دی

تر اوسه په کابل کې د ترکیې سفارت د دغو ادعاوو په اړه رسمي غبرګون نه دی ښودلی او د یادو لګښتونو او نویو شرطونو په اړه یې وضاحت نه دی خپور کړی