مقاله

افغان پناه‌غوښتونکي: د خپلو دوسیو د عادلانه ارزونې غوښتونکي یو

اشتراک گذاری:

بریانیوز پنجشنبه- ١۸ سرطان ١٤٠٥

یو شمېر افغان پناه‌غوښتونکو ویلي چې دوی د برېتانیا د ځانګړي پناه‌ورکوونکي پروګرام له لارې د خوندي انتقال غوښتونکي دي او له پخوا څخه یې د افغانستان په امنیتي ادارو کې دندې ترسره کړې دي

دوی وایي، د پولیسو، ملي اردو، ملي امنیت او نورو امنیتي بنسټونو پخواني سرتېري دي چې د کلونو لپاره یې له برېتانوي ځواکونو سره په ګډو عملیاتو کې همکاري کړې وه او د افغانستان د امنیت په برخه کې یې خدمت کړی دی

دغه افغانان غوښتنه کوي چې د دوی د پناه غوښتنې دوسیې دې په روڼ، عادلانه او بې‌پرې ډول وڅېړل شي. دوی ټینګار کوي چې د هرې قضیې ارزونه باید د خدمتونو، اسنادو او موجودو شواهدو پر بنسټ ترسره شي

دوی ویلي: «موږ د پناه‌غوښتنې په بهیر کې عدالت، روڼتیا او د خپلو قضیو عادلانه بیاکتنه غواړو، څو زموږ د کلونو خدمتونه په پام کې ونیول شي

د پناه‌غوښتونکو په وینا، د دوسیو ځنډ او نامعلوم برخلیک د دوی او د هغوی د کورنیو لپاره اندېښنې زیاتې کړې دي. دوی له برېتانوي چارواکو غوښتي چې د دوی غوښتنې په جدي ډول وارزوي او د پرېکړو بهیر چټک کړي

تر اوسه د برېتانیا حکومت د دغو غوښتنو په اړه تازه څرګندونې نه دي کړي