سیاست

پاکستان: افغانستان مو د شانګهای سازمان د غړیتوب له بهیر څخه نه دی منع کړی

اشتراک گذاری:

بریانیوز - شنبه ٢۷ سرطان١٤٠٥

اسلام‌اباد – د پاکستان د بهرنیو چارو وزارت ویلي، اسلام‌اباد د شانګهای د همکاریو په سازمان کې د افغانستان د ګډون مخه نه ده نیولې او د افغانستان واکمنه ډله باید له غړو هېوادونو سره خپلې ډیپلوماټیکې اړیکې پیاوړې کړي

د پاکستان د بهرنیو چارو وزارت په وینا، د افغانستان د حضور او ګډون موضوع د سازمان د غړو هېوادونو د پرېکړو او د اړوندو اصولو له مخې ټاکل کېږي، نه د یوه هېواد له لوري

دغه وزارت ټینګار کړی چې د افغانستان اوسني چارواکي باید له نورو هېوادونو سره اړیکې جوړې کړي او د نړیوال تعامل لپاره لازم ګامونه پورته کړي

د شانګهای د همکاریو سازمان چې د سیمه‌ییزو همکاریو یو مهم بنسټ دی، اوس مهال اصلي، ناظر او د خبرو شریک شاوخوا ۲۰ غړي لري او د امنیت، اقتصاد او سیمه‌ییزو اړیکو په برخو کې فعالیت کوي