صحّت

د امریکا د طبي جواز ازموینه؛ پاکستان او هند مخکښ، افغانستان له نوملړه بهر

اشتراک گذاری:

بریانیوز - جمعه ٢۶ سرطان ١٤٠٥

واشنګټن – د امریکا د طبي جواز په وروستۍ ازموینه کې شاوخوا ۱۴۰۰ پاکستاني ډاکتران بریالي شوي، په داسې حال کې چې هند د نږدې ۳۰۰۰ بریالیو ډاکترانو په لرلو سره د ګډون کوونکو هېوادونو په سر کې ځای لري

د خپرو شویو معلوماتو له مخې، د ازموینې په رسمي نوملړ کې له افغانستانه هېڅ بریالی ډاکتر نه دی ثبت شوی

د روغتیا او لوړو زده‌کړو د برخې یو شمېر شنونکي وایي، د نړیوالو علمي اړیکو کمزورتیا، محدود فرصتونه او د بهرنیو مسلکي پروګرامونو ته د لاسرسي ستونزې د افغان ډاکترانو پر نړیوال حضور منفي اغېز کړی دی

دوی ټینګار کوي چې د طبي زده‌کړو د کیفیت لوړول او له نړیوالو علمي بنسټونو سره د همکاریو پراخول د افغان ډاکترانو لپاره د نړیوالو فرصتونو د زیاتېدو مهمه لاره ده